القدس کے خلاف صہیونی جارحیت بند ہونی چاہئے، عرب لیگ

(روز نامہ قدس ۔آنلائن خبر رساں ادارہ ) عرب لیگ نے کہا ہے کہ غاصب صہیونی ریاست مقبوضہ بیت المقدس اور مسجد اقصیٰ کے خلاف اپنی جارحیت بند کرے،  القدس پر سمجھوتا بین الاقوامی امن و سلامتی کو خطرے میں ڈال دے گا۔

شرپسند صہیونی "ڈینس روہان” کے ہاتھوں مسجد الاقصیٰ میں آتشزدگی کی 53ویں برسی کے موقع  پر عرب لیگ کے جنرل سیکرٹریٹ سے جاری کردہ بیان میں نے القدس شہر کی قانونی اور تاریخی حیثیت سے سمجھوتہ کرنے کے خطرے سے خبردار کرتے ہوئے کہا ہے کہ القدس پر سمجھوتا بین الاقوامی امن و سلامتی کو خطرے میں ڈال دے گا۔

یہ بھی پڑھیے

مسجد اقصیٰ میں 53سال قبل لگائی جانے والی آگ آج بھی مختلف شکلوں میں جل رہی، الشیخ عکرمہ صبری

عرب لیگ نے قابض اسرائیلی حکام سے مطالبہ کیا کہ وہ مقبوضہ بیت المقدس اور مسجد اقصیٰ کے خلاف اپنی جارحیت بند کرے، صہیونی ریاست  نے 1948ء سے فلسطینی عوام کے خلاف سنگین جرائم اور خلاف ورزیوں کا سلسلہ جاری رکھا ہوا ہے اور ساتھ ہی القدس اور اس کے عرب تشخص کو مٹانے، جعلسازی، آبادکاری اور یہودیت کے ذریعے نشانہ بنایا ہے۔بیان میں وضاحت کی کہ یہ قابض افواج کے الاقصی پر دھاوا بولنے، نمازیوں کو گرفتار کرنے اور یہودی آباد کاروں کو بہ حفاظت مسجد اقصیٰ پر دھاوا بولنے میں مدد دینے کی سازش جاری ہے۔

واضح رہے کہ 53 سال قبل شرپسند صہیونی "ڈینس روہان” نے القبلی کے نماز گاہ کو آگ لگا ئی تھی آگ سے چھت اور محراب مسجد اقصیٰ، گنبد کو نقصان پہنچا اور مرکزی کالم، محراب اور جنوبی دیواروں کو نقصان پہنچاتھا ۔