(روز نامہ قدس ۔آنلائن خبر رساں ادارہ) جب تک غاصب صیہونی ریاست مظلوم فلسطینیوں کے ساتھ ظلم کا سلسلہ جاری رکھے گی ہماری کارروائیاں بھی جاری رہیں گی۔
عراق کی مزاحمتی تحریک ‘مقاومہ اسلامیہ’ کی جانب سے جاری کردہ بیان میں بتایا گیا ہے کہ تحریک نے گذشتہ روز مقبوضہ فلسطین میں وادی اردن کے مقام پر غیر قانونی صیہونی ریاست اسرائیل کے ایک فوجی مقام کو "الارفد” ڈرون طیارے کے ذریعے کامیابی سے نشانہ بنایا۔
مقاومہ اسلامیہ نے اپنے بیان میں بتایا کہ صیہونی ریاست کے اندر وادی اردن کے مقام پر کیا جانے والا یہ پانچوں حملہ ہے اور اس سلسلے کو جاری رکھتے ہوئے صیہونی دشمن کے گڑھ پر ضرب لگانے کے لیے کارروائیوں کا سلسلہ تیزی سے بڑھایا جائے گا۔
بیان میں کہا گیا ہے کہ مزاحمتی "کارروائیوں کا مقصد غیر قانونی صیہونی ریاست اسرائیل کے خلاف مزاحمت اور فلسطینی میں اپنے بھائیوں کی نصرت ہے۔
واضح رہے کہ حملے کے ساتھ ہی اردن کے ساتھ مقبوضہ فلسطینی سرحد پر جھیل طبریا کے جنوب میں واقع اسرائیلی بستیوں کی ایک بڑی تعداد میں خطرے کے سائرن بجائے گئے اور ہزارو غیر قانونی صیہونی آبادکار گھنٹوں تک زیرزمین پناہ گاہوں میں چھپے رہے۔
اسرائیلی میڈیا کے مطابق اکتوبر 2023 کے بعد یہ پہلا موقع ہے کہ مشرق کی سمت سے حملے کے بعد مقبوضہ فلسطین کے شمالی حصے میں بیسان میں خطرے کے سائرن بجائے گئے۔یہ پہلا موقع نہیں ہے کہ عراق میں مقاومہ اسلامیہ نے مقبوضہ مغربی کنارے کے مشرق میں واقع وادی اردن میں اسرائیلی ہدف کو نشانہ بنایا ہے۔