(روز نامہ قدس ۔آنلائن خبر رساں ادارہ )صرف گذشتہ 72گھنٹوں کےدوران فلسطینی جانبازوں نےصیہونی فوج کے33 ٹینک اورفوجی گاڑیوں کو مکمل یاجزوی تباہ کیا۔
غیرقانانی صیہونی ریاست اسرائیل کےمظالم کےخلاف برسرپیکار اسلامی مزاحمتی تحریک حماس کےعسکری ونگ شہیدعزالدین القسام بریگیڈ کے ترجمان ابوعبیدہ کی جانب سےگذشتہ روزجاری کردہ ویڈیو بیان میں بتایا گیاہےکہ مقبوضہ فلسطین کےمحصور شہرغزہ پرصیہونی فوج کی زمینی جارحیت کے آغاز سے اب تک 335 صیہونی ٹینک اورفوجی گاڑیوں کو نشانہ بنایا گیا ہے جبکہ گذشتہ 72 گھنٹوں میں 33 (صیہونی) گاڑیاں اور ٹینک تباہ کی گئی ہیں۔
ترجمان ابو عبیدہ نے بتایاکہا کہ القسام کے مجاہدین نے الشیخ رضوان محلے میں الرنتیسی ہسپتال کے مشرق میں 8 فوجیوں پر حملہ کیا، جس میں وہ ہلاک اور زخمی ہوگئے، گذشتہ تین دنوں کے دوران القسام کے مجاہدین نے کئی مخصوص کارروائیاں کیں جن میں دشمن کی فوجوں کو ہلاک کیا گیا اور بیت حانون میں دشمن کے ایک گروپ کو ایک اینٹی پرسنل ڈیوائس سے نشانہ بنایا گیا۔
” انہوں نے زور دے کر کہا کہ "طوفان الاقصیٰ” کی جنگ کے 48ویں دن القسام مجاہدین وحشیانہ صیہونی جارحیت کا مقابلہ کر رہے ہیں اور اپنی پوزیشنوں اور جنگی مراکز پر قبضہ کر رہے ہیں، جبکہ دشمن ابھی تک اپنی فوج کا نقصان چھپا رہا ہے۔