(روز نامہ قدس ۔آنلائن خبر رساں ادارہ ) القسام کے جانبازوں نے صفر کے فاصلے سے صیہونی فوجیوں پر حملہ کیا اور ایک جھڑپ میں دو کو جہنم واصل جبکہ تین دیگر کو شدید زخمی کر دیا۔
مقبوضہ فلسطین پر قباض غیر قانونی صیہونی ریاست اسرائیل کے مظالم کے خلاف برسرپیکار اسلامی مزاحمتی تحریک حماس کے عسکری ونگ القسام بریگیڈز نے آج سماجی رابطوں کی ویب سائٹ "X” (سابقہ ٹویٹر) پر اپنے پیغام میں اعلان کیا ہے کہ القسام بریگیڈز نے آج صفر کے فاصلے سے بیت حنون میں گھسنے والی صیہونی فوج کے قافلے پر حملہ کیا اور بھرپور جھڑپ میں تین صیہونی دشمنوں کو واصل جہنم کیا اور دیگر تین کو شدید زخمی کر دیا۔
دوسری جانب فلسطین کی سرکاری نیوز ایجنسی نے بتایا کہ "مرکزی غزہ کی پٹی میں مغازی کیمپ کے مشرق میں مزاحمتی قوتوں اور غاصب صیہونی فوج کے درمیان شدید جھڑپیں ہوئیں۔” تحریک جہاد کے عسکری ونگ القدس بریگیڈ نے کہا ہے کہ اس کے جنگجو اس وقت بھی غزہ شہر کے مرکز میں گھسنے والی دشمن قوتوں کے ساتھ شدید جھڑپوں میں مصروف ہیں۔
واضح رہے کہ القسام کے ترجمان، جسے ابو عبیدہ نے کل (پیر) کو ایک آڈیو بیان میں اعلان کیا تھا کہ القسام کے جانبازوں نے گزشتہ 48 گھنٹوں کے دوران 20 اسرائیلی فوجی گاڑیوں کو تباہ کیا ہے۔