(روز نامہ قدس ۔آنلائن خبر رساں ادارہ ) "مسجد اقصیٰ کے صحنوں میں تلمودی رسومات مسلمانوں کے خلاف مذہبی جنگ ہے، مسجد اقصیٰ پر قبضے کی پالیسی مسلمانوں کے جذبات کو مشتعل کرنے کی نمائندگی کرتی ہے۔
فلسطین پر قابض غیر قانونی صیہونی ریاست اسرئیل کے مظالم کےخلاف برسرپیکار اسلامی مزاحمتی تحریک "حماس” کے ترجمان حازم قاسم نے اپنے جاری کردہ بیان میں قبلہ اول مسجد اقصیٰ پر صیہونی آبادکاروں کے اشتعال انگیز دھا ؤوں پر اپنے سخت ردعمل میں کہا ہے کہ فلسطینی عوام قربانیوں کی پرواہ کیے بغیر مسجد اقصیٰ کے دفاع اور اس کے اسلامی تشخص کے تحفظ کے لیے اپنی آئینی جدوجہد جاری رکھیں گے۔
حماس کا کہنا ہے کہ ہماری قوم مسجد اقصیٰ کو اپنے ایمان کا حصہ سمجھتی ہے جبکہ مسجد اقصیٰ پر صیہونی قبضے کی پالیسی مسلمانوں کے جذبات کو مشتعل کرتی ہے۔
انھوں نے کہا کہ "مسجد اقصیٰ کے صحنوں میں غیر قانونی صیہونی آبادکاروں کی تلمودی رسومات مسلمانوں کے خلاف مذہبی جنگ ہے، مسجد اقصیٰ ایک سرخ لکیر ہے اور ہمارے قوم نے تمام مراحل میں اپنی جدوجہد اورمزاحمت کے ذریعے ثابت کیا ہے کہ وہ مسجد اقصیٰ اور بیت المقدس کے دفاع کے لیے قربانی دینے کے لیے تیار ہیں، دشمن کو مسجد اقصیٰ کے ساتھ چھیڑ چھاڑ کرنے کی اجازت نہیں دیں گے۔