(روز نامہ قدس ۔آنلائن خبر رساں ادارہ ) 21 سالہ صہیونی قید میں 10سال ایسے بھی ہیں جہاں فلسطینی کو اپنے خاندان کی ایک جھلک بھی نہیں دیکھنے دی گئی۔
تفصیلات کے مطابق گذشتہ روز شمالی مقبوضہ مغربی کنارے کےعلاقے نابلس کے جنوب میں واقع قصبے عوارتا سے تعلق رکھنے والے 51 سالہ فلسطینی اشرف الصفدی نے 21 سال بعداسرائیل کی بدترین النقب جیل سے بالآخر رہائی حاصل کر لی۔
فلسطینی اسیر الصفدی کی رہائی کے موقعے پران کے اہل خانہ اور علاقہ مکینوں نے گھراور گلیوں کو سجایا، خواتین نے روایتی لباس زیب تن کیے اور خوشی میں مٹھائی بانٹی جبکہ قیدکے طویل انتظار کےبعد آزادی کے لمحات کا اظہار کرتے ہوئےاشرف الصفدی نے بتایا کہ اانہوں نے صہونی فوج کا تشدد اوراپنے خاندان سے ملاقات پر پابندیوں جیسی اذیتوں کا سامنا کرتے ہوئے یہ 21 سال گزارے جن میں 10سال ایسے بھی ہیں جہاں مجھے ایک جھلک بھی اپنے خاندان کی نہیں دیکھنے دی گئی۔