افریقی یونین سے اسرائیل کی بطور مبصر تنسیخ ہونی چاہئے: حماس

(روز نامہ قدس ۔آنلائن خبر رساں ادارہ ) افریقی سربراہی سمٹ جیسے بڑے پلیٹ فارمز پر قابض اسرائیلی ریاست کو نمائندگی دینا فلسطینی عوام کے خلاف بڑھتے جرائم کی حوصلہ افزائی کرے گی۔

فلسطین پر قابض غیر قانونی صیہونی ریاست اسرائیل  کے خلاف برسرپیکار اسلامی مزاحمتی تحری حماس کے خارجہ امور کے سربراہ ڈاکٹر موسیٰ ابو مرزوق نے افریقی سربراہی سمٹ میں صیہونی ریاست کے بطور مبصر شریک ہونے پر شدید ردعمل کا اظہا رکرتے ہوئے کہا ہے کہ افریقی یونین کے سربراہی اجلاس میں اسرائیل سے مبصر کا درجہ واپس لینا تنظیم کے ایجنڈے کا اولین نقطہ ہونا چاہئے۔

انھوں نے کہا کہ بین القوامی پلیٹ فارمز پر قابض صیہونی  ریاست کو نمائندگی دینا فلسطینی عوام کے خلاف بڑھتے جرائم کی حوصلہ افزائی کرنے کے مترادف ہے۔

ڈاکٹر ابو مرزوق اپنے اخباری بیان میں کہا ہے کہ اسرائیل کو افریقہ اور خطے میں اچھوت سمجھا جاتا ہے۔ ابو مرزوق نے مزید کہا کہ اسرائیلی ریاست دراصل نو آبادیاتی دور کا تسلسل ہے جسے تاریخی طور پر افریقہ کے لوگ دہائیوں تک گزرتے آئے ہیں۔