نیتن یاہو کا جنرل اسمبلی میں خطاب: پاکستانی وفد نے احتجاجاً واک آؤٹ کردیا

(روز نامہ قدس ۔آنلائن خبر رساں ادارہ) اسرائیلی وزیراعظم کے خطاب کے دوران پاکستان سمیت مختلف ممالک کے وفود نے اجلاس سے احتجاجاً واک آؤٹ کردیا جب کہ نیتن یاہو کے خلاف شید نعرے بازی بھی کی گئی۔

اسرائیلی وزیراعظم کے خطاب کے دوران پاکستان نے اقوام متحدہ کی جنرل اسمبلی اجلاس سے احتجاجاً واک آؤٹ کردیا۔

امریکی ریاست نیویار میں اقوام متحدہ کی جنرل اسمبلی کے اجلاس میں فلسطین پر قابض غیر قانونی صیہونی ریاست اسرائیل کے وزیراعظم نیتن یاہو کے خطاب کیلئے ڈائس پرآتے ہی اقوام متحدہ میں پاکستان کے سفیر سمیت وفد جنرل اسمبلی ہال سے احتجاجاًباہر نکل گئے۔

اس سے قبل پاکستان کے وزیراعظم شہباز شریف نے اقوام متحدہ کی جنرل اسمبلی سے خطاب کیا اور فلسطین کا مقدمہ پیش کرتے ہوئے  کہا کہ غزہ میں نسل کشی خطے میں ایک غیر معمولی اور تباہ کن صورتحال کا باعث بن سکتا ہے۔

وزیر اعظم نے اسرائیلی بربریت پر شدید تنقید کرتےہوئے غزہ اور ساتھ ساتھ اب لبنان میں اسرائیل جارحیت کو عالمی برادری کی خاموشی کی بھی مذمت کی۔