(روز نامہ قدس ۔آنلائن خبر رساں ادارہ ) عباس ملیشیا نے صیہونی ریاست کے نقش قدم پر چلتے ہوئے شہید عبدالفتاح خروشہ کے جناز پرآنسوگیس کی شیلنگ کے ساتھ ربڑ کی گولیاں برسائیں جس کے نتیجے میں متعدد فلسطینی زخمی ہوگئے تھے۔
فلسطینی ذرائع ابلاغ کےمطابق عباس ملیشیا کے نام سے جانی جانےو الی فلسطینی اتھارٹی کی پولیس نے گذشتہ روز غرب اردن کے شمالی شہرنابلس میں صیہونی فوج کی ریاستی دہشتگردی میں شہید ہونے والے حماس کے عسکری ونگ عزالدین القسام بریگیڈ کے کمانڈر عبدالفتاح خروشہ کے جنازے پر دھاوا بولا ، آنسو گیس کے شیل برسائے اور فائرنگ کی۔
عباس ملیشیا کے حملے میں متعدد فلسطینی زخمی ہوگئے جبکہ نوجوانوں نے عباس ملیشیا کےاس فعل کے خلاف احتجاج کیا۔
اسلامی تحریک مزاحمت "حماس” نے کہا ہے کہ نابلس میں حکام کی جانب سےالقسام بریگیڈز کے شہید کمانڈرعبد الفتاح حسین خروشہ کے جنازے کے جلوس جنازے پر حملہ عباس ملیشیا کا ایک نیا اخلاقی جرم ہے جو اس کے ظلم و زیادتی کے سیاہ ریکارڈ میں ایک نیا اضافہ ہے۔ حماس کا کہنا ہےکہ ہمارے لوگوں اور اس کی قومی علامتوں کی اور ہماری قومی اور مذہبی اقدار کی صریح خلاف ورزی ہے۔