(روز نامہ قدس ۔آنلائن خبر رساں ادارہ ) عباس ملیشیا صہیونی ریاست کا ہی بازو ہے، ۔ قابض دشمن کے پالتو جاسوس درندوں نے میرے بیٹے محمد کو اس کے کام کی جگہ سے اغوا کر لیا۔ خدا ظالموں پر لعنت کرے۔
فلسطینی قانون ساز کونسل کے رکن اور سابق وزیر عمر عبدالرزاق نے گذشتہ روز سماجی رابطوں کی ویب سائٹ پر عباس ملیشیا کے ہاتھوں اپنے بیٹے کی گرفتاری کی خبر دیتے ہوئے کہا ہے کہ عباس ملیشیا فلسطینیوں کے خلاف صہیونی ریاست کا بازو بنی ہوئی ہے۔
انھوں نے بتایا کہ عباس ملیشیا نے ان کے بیٹے کو سلیف کے مقام سے اس وقت حراست میں لیا جب وہ اپنی ملازمت میں مصروف تھا ۔ انھوں نے مزید کہا کہ "خدا کے سوا کوئی طاقت اور قوت نہیں ہے۔ قابض دشمن کے پالتو جاسوس درندوں نے میرے بیٹے محمد کو اس کے کام کی جگہ سے اغوا کر لیا۔ خدا ظالموں پر لعنت کرے۔”
واضح رہے کہ عمر عبدالرزاق نے 2006 میں اسلامی تحریک مزاحمت حماس کی طرف سے تشکیل دی گئی دسویں فلسطینی حکومت میں وزیر خزانہ کے طور پر خدمات انجام دیں اور انہیں کئی بار قابض ریاست کی جیلوں میں گرفتار کیا گیا، جس کے دوران انہوں نے سات سال سے زیادہ عرصہ گزارا۔