(روز نامہ قدس ۔آنلائن خبر رساں ادارہ ) مفتی آعظم نے مسلمانوں کے مقدس مقامات پر صہیونی آباد کاروں کی طرف سے "بڑھتے ہوئے حملوں” کی مذمت کرتے ہوئے کہا ہے کہ اس کو نہیں روکا گیا تو خطے میں خطرناک مذہبی جنگ ہوسکتی ہے۔
مقبوضہ بیت المقدس میں مسجد اقصیٰ کے سرپرست اور مفتی اعظم فلسطین الشیخ محمد احمد حسین نے صہیونی آبادکاروں کی جانب سے مسلمانوں کے مقدس مقامات کی بے حرمتی پر علاقائی مذہبی جنگ کا انتباہ دیتے ہوئے کہا ہے کہ یہودی آباد کاروں کے "بڑھتے ہوئے حملے” پورے خطے کو مذہبی جنگ میں گھسیٹ سکتے ہیں۔
انھوں نے کہا کہ ہفتے کے آخر میں مقبوضہ بیت المقدس کے شہر الخلیل میں دونوں مساجد "باب الزاویہ” اور "صدیق” پر شرپسند صہیونی آبادکاروں نے حملے کئے ، کھڑکیوں کے شیشے توڑڈالے جبکہ عمارت کو نقصان پہنچایا انہوں نے دعویٰ کیا کہ اسرائیلی فوج ان حملوں سے پوری طرح باخبر تھی اور اس نے انہیں روکنے کے لیے کچھ نہیں کیا۔