(روز نامہ قدس ۔آنلائن خبر رساں ادارہ ) دو سالہ ننھا فلسطینی اور اس کے والد کو صیہونی فورسز نے اس وقت دہشتگردی کا نشانہ بنایا جب وہ اپنی گاڑی میں گھر سے نکل رہے تھے۔
فلسطینی ذرائع کے مطابق غیر قانونی صیہونی ریاست اسرائیل کی نام نہاد سیکیورٹی فورسز کی فائرنگ سے گذشتہ جمعرات کو زخمی ہونے والا رام اللہ کے گاؤں نبی صالح کا رہائشی دو سالہ فلسطینی بچہ محمد ہیثم التمیمی کو گذشتہ روز رام اللہ کے آبائی قبرستان میں سپرد خاک کردیا گیا۔
ذرائع کا کہنا ہے کہ افسوسناک واقع اس وقت پیش آیا جب ننھے شہید کے والد اپنی فیملی کے ساتھ گھر سے نکل رہے تھے اس دوران صیہونی فورسز نے قصبے پر دھاوا بولااور اندھا دھند فائرنگ کی، ایک گولی دو سالہ ننھے بچے کے سر میں لگی جبکہ دو گولیاںاس کے والد کو لگیں ، زخمیوں کو فوری طورپر فلسطین میڈیکل کمپلیکس پہنچایا گیا جہاں ایک دن زیر علاج رہنے کے بعد محمد ہیثم التمیمی خالق حقیقی سے جاملا۔