(روز نامہ قدس ۔آنلائن خبر رساں ادارہ ) صیہونی پارلیمنٹ میں اگر یہ بل منظور ہوجاتا ہے تو فلسطینی پرچم کی عوامی نمائش پر پابندی عائد کردی جائے گی اور خلاف ورزی کرنے والے پر ایک سال قید اور جرمانہ یا دونوں سزائیں سنائی جاسکے گیں۔
غیر قانونی صیہونی ریاست اسرائیل کی پارلیمنٹ (کنیسٹ ) میں اوتما یہودیت پارٹی کے رکن الموگ کوہن نے ایک بل پیش کیا ہے جس میں مطالبہ کیا گیا ہے کہ اگر کوئی گروپ یا شخص فلسطینی پرچم کی عوامی مقام پر نمائش کرتا ہے تو اس عمل کواسرائیلی سلامتی کے خلاف سمجھا جائے اور اس کے خلاف قانونی کارروائی کی جائے۔
واضح رہے کہ صیہونی ریاست میں عرب شہری اور بائیں بازو سے تعلق رکھنے والے اسرائیلی جو صیہونی وزیراعظم نیتن یاھو کی متشدد اور فلسطین مخالف پالیسیوں کے مخالف ہیں وہ اکثر اپنی فلسطینی شناخت کو ظاہر کرنے کےلئے پارلیمنٹ سمیت دیگر عوامی مقامات پر فلسطینی پرچم کی نمائش کرتے رہتے ہیں ، اگر یہ بل پاس ہوجاتا ہے تو یہ اقدام غیر قانونی قرار پائے گا ۔