(روز نامہ قدس ۔آنلائن خبر رساں ادارہ )جنازے میں ہزاروں فلسطینیوں نے شرکت کرتے ہوئے صیہونی ریاست کے خلاف نعرے بازی کی اور فلسطینی مزاحمتی تحریک ، القسام اور حماس کی حمایت جاری رکھنے کے عزم کا اظہار کیا۔
فلسطینی ذرائع کے مطابق گذشتہ روز غیر قانونی صیہونی ریاست اسرائیل کی نام نہاد فوج کی دہشتگردی کے نتیجے میں شہید ہونے والے 23 سالہ نوجوان محمد عبدالحکیم نعیم ندیٰ کو آج آبائی قبرستان میں سپرد خاک کردیا گیا ہے۔
شہید کے جنازے کے جلوس میں ہزاروں فلسطینیوں نے شرکت کرتے ہوئے صیہونی ریاست کے خلاف نعرے بازی کی اور فلسطینی مزاحمتی تحریک ، القسام اور حماس کی حمایت جاری رکھنے کے عزم کا اظہار کیا۔۔ بعد ازاں شہید ندیٰ کو العین کیمپ کے قبرستان میں سپرد خاک کردیا گیا۔
دوسری طرف اسلامی تحریک مزاحمت ’حماس‘ نے ندا کی شہادت کو اسرائیلی فوج کی کھلی دہشت گردی قرار دیتے ہوئے قابض دشمن کے خلاف مسلح مزاحمت تیز کرنے اور مزاحمت کو تقویت دینے پر زور دیا ہے۔
واضح رہے کہ مقبوضہ مغربی کنارے کے شہر نابلس میں العین پناہ گزین کیمپ پر دھاوے کے دوران غاصب صیہونی فوج نے 23 سالہ عبدالحکیم ندیٰ کو گولیاں مار کر شدید زخمی کردیا گیا تھا۔ انہیں ہسپتال منتقل کیا گیا جہاں وہ بدھ کی صبح زخموں کی تاب نہ لاتے ہوئے دم توڑ گئے۔