(روز نامہ قدس ۔آنلائن خبر رساں ادارہ )صیہونی فوج کی جانب سے محفوظ علاقہ قرار دیا جانے والے رفاح میں ایک گھر پر بمباری جس میں ماں اور پانچ بچوں سمیت ایک ہی گھر کے 15 افراد کو شہید ہوگئے۔
آج جمعرات کو غزہ کی پٹی پر اسرائیلی فوج کی بربریت اور جارحیت کے 97 دن ہوگئے ہیں۔ اسرائیلی فوج کی غزہ کی پٹی میں نسل کشی اور جنگی جرائم کے ارتکاب کا سلسلہ جاری ہے ، صہیونی فوج نے غزہ پر جاری بربریت میں مختلف مقامات پر وحشیانہ بمباری کی جس کے نتیجے میں گھروں کے اندر موجود شہریوں کے سروں پر ان کے مکانات کو گرا دیا گیا جس کے نتیجے میں صرف گذشتہ 24 گھنٹوں کے دوران خواتین اور بچوں سمیت 147 سے زائد فلسطینی شہید اور 200 سے زائد زخمی ہوگئے۔
سات اکتوبر سے جاری اسرائیلی دہشتگری میں اب تک غزہ میں 9 ہزار 600 بچوں اور 6 ہزار 800 سے زائد خواتین سمیت 23 ہزار 500 سے زائد فلسطینی شہید اور 60 ہزار سے زائد زخمی ہیں جبکہ 10 ہزار کے قریب لاپتہ ہیں جن کے بارے میں گمان ہے کہ وہ ملبے تلے دبے ہوئے ہیں۔