(روز نامہ قدس ۔آنلائن خبر رساں ادارہ ) شہداء میں دو سگے بھائی بھی شامل ہیں جو صہیونی ریاستی دہشتگردی کی بھینٹ چڑھ گئے ، ارسرائیلی ریاستی دہشتگردی کے بعد مقبوضہ مغربی کنارے اور بیت المقدس میں بڑے پیمانے پر احتجاج جاری ہے جس کو روکنے کے لئے صہیونی فورسز طاقت کا بدترین استعمال کررہی ہے۔
فلسطینی وزارت صحت کی جانب سے جاری کردہ بیان میں بتایا گیا ہے کہ گذشتہ 72 گھنٹوں کےد وران مقبوضہ فلسطین کے مختلف علاقوں میں صہیونی ریاستی دہشت گردی میں دو سگے بھائی 22 سالہ ظفر عبدالرحمن رماوی اور 21 سالہ جواد عبدالرحمن رماوی سمیت 11 فلسطینیوں کو شہید کردیا گیا ہے۔
منگل، 29 نومبر کو، مغربی کنارے کے الگ الگ علاقوں میں فوجی دراندازی کے ایک سلسلے کے دوران اسرائیلی قابض فوج کے ہاتھوں پانچ فلسطینی شہریوں کی شہادت ہوئی۔
قابض صہیونی فوج کی اسپیشل فورس نے بدھ کے روز شمالی مغربی کنارے کے قصبے یعبد میں محمد توفیق شاکر نامی نوجوان کو شہید کیا۔
جمعرات کو قابض فوج نے دو فلسطینی نوجوانوں، 27 سالہ نعیم جمال الزبیدی اور 26 سالہ محمد ایمن السعدی کو جنین کیمپ میں بڑے پیمانے پر دراندازی کے دوران شہید، آج نماز جمعہ کے بعد مقبوضہ مغربی کنارے کے قصبے حوارہ میں ایک صہیونی فوجی نے بائیس سالہ نہتے فلسطینی نوجوان عمار مفلح کو سرعام گولیاں مار کر شہید کردیا۔