(روز نامہ قدس ۔آنلائن خبر رساں ادارہ )فلسطین میں ذی الحج کا چاند نظر آگیا ہے ۔ فلسطین کے مفتی اعظم الشیخ محمد حسین نے اعلان کیا ہے کہ آج جمعہ کو یکم ذی الحج ہوگی اور10 اگست کو یوم عرفہ ہوگا اور 11 اگست کو فلسطین اوردیگرعرب ممالک میں عیدالاضحیٰ منائی جائے گی۔
فلسطینی مفتی اعظم نے عالم اسلام کو ذی الحج کا بابر کت مہینا شروع ہونے اور عیدالاضحیٰ کی پیشگی مبارک باد پیش کی ہے۔
فلسطین کے علاوہ سعودی عرب اور دیگر عرب ممالک میں بھی ذی الحج کا چاند نظر آگیا ہے جس کے بعد ان ممالک میں 11 اگست کو عیدالاضحیٰ منانے کا اعلان کیا گیا ہے۔
یاد رہے کہ عرب دنیا میں ماہرین فلکیات نے بھی 11 اگست کو عیدالاضحیٰ کی پیش گوئی کی تھی۔