(روزنامہ قدس آنلائن خبر رساں ادارہ )قابض یہودی آباد کاروں کا اسرائیلی وزیر زراعت یوری ارائیل کی زیر قیادت مسجد اقصی پر دھاوا،قابض صیہونی پولیس نے انکو محفوظ رکھنے کے لیے چاروں طرف سے گھیرے میں لیا ہوا تھا۔
تفصیلات کے مطابق اسرائیلی وزیر زراعت کی سرپرستی میں یہودی آباد کاروں نے مسجد اقصی پر دھاوا بول دیا،انکے ہمراہ قابض پولیس بھی تحفظ کے لیے موجود تھی۔
اسلامی وقف محکمے کے افسر برائے اطلاعات نے میڈیا کو بتایا کہ بدھ کی صبح بیالیس کے قریب یہودی آباد کار جن کی قیادت اسرائیلی وزیر زراعت کر رہے تھے،مسجد اقصی کے احاطےمیں داخل ہو گئے اور اپنے مذہبی گیت گانا شروع ہو گئے۔ان کے مطابق آباد کار مسجد کے مراکشی دروازے سے داخل ہوئے۔
یاد رہے کہ صیہونی ریاست کی مسجد اقصی میں فلسطینیوں کے داخلے پر جبری پابندی کے باوجود اکثر فلسطینی کسی نہ کسی طرح وہاں داخل ہو کر قران کی تلاوت کرتے ہیں۔