مقبوضہ بیت المقدس (روز نامہ قدس ۔آن لائن خبر رساں ادارہ) اسرائیلی حکام نے مقبوضہ بیت المقدس سے تعلق رکھنے والے چھ فلسطینیوں پر چھ ماہ تک مسجد اقصیٰ میں داخلے پر پابندی عائد کردی ہے۔
روز نامہ قدس کو موصول ہونے والی اطلاعات کے مطابق فلسطینی محکمہ اوقاف کے شعبہ اطلاعات کے سربراہ فراس الدبس نے کہا کہ اسرائیلی حکام نے فلسطینی شہریوں احمد ابو علیا، فادی علیان اور لوئی ابو السعدہ کے قبلہ اوّل میں داخلے پر چھ ماہ کی پابندی عائد کردی ہے۔
فراس الدبس کے مطابق اسرائیلی حکام نے مسجد اقصیٰ کے محافظوں یحییٰ شحادہ اور سلمان ابو مالیہ پر چار ماہ تک قبلہ اوّل میں داخلے پر پابندی عائد کی ہے۔ ایک اور فلسطینی جس کی شناخت عوض السلائمہ کے نام سے کی گئی ہے کو بھی چھ ماہ تک قبلہ اوّل سے بے دخل کیا گیا ہے۔
اسرائیلی پولیس نے گذشتہ روز قبلہ اوّل پر دھاوا بولا اور قبۃ الصخرۃ میں گھس کرتلاشی کی آڑ میں مقدس مقام کی بے حرمتی کا ارتکاب کیا۔
اسرائیلی پولیس نے صیہونی آباد کاروں کے دھاوے کے وقت فلسطینی نمازیوں کے لیے مسجد اقصیٰ سیل کردی۔
اسرائیلی فوج نے نماز ظہر کے لیے آنے والے فلسطینی نمازیوں کو بھی تشدد کا نشانہ بنایا اور انہیں قبلہ اوّل میں داخل ہونے سے روک دیا۔