(روز نامہ قدس ۔آنلائن خبر رساں ادارہ ) مزاحمت کاروں کے حملوں سے بدحواس اسرائیلی فوج فلسطینیوں کو بے دریغ گرفتار کررہی ہے ، 48 گھنٹوں کے دوران گرفتار فلسطینیوں کی تعداد چار ہزار سے تجاوز کرگئی۔
فلسطینی ذرائع کے مطابق فلسطینی مزاحمت کاروں کے بھرپور اور نا رکنے والی مجاہدانہ کارروائیوں سے بدحواس اسرائیلی سیکیورٹی فورسز نے خواتین ،بچوں اور بزرگوں سمیت فلسطینیوں کی بے دریغ گرفتاریاں جاری رکھی ہوئی ہیں۔
یہ بھی پڑھیے
صہیونی فوج نے فلسطینی کو فائرنگ سے شدید زخمی کیا اور پھر گرفتار کرلیا
غاصب فوج نے مقبوضہ مغربی کنارے، مقبوضہ بیت المقدس اور محصور شہر غزہ سمیت فلسطین کے مختلف علاقوں میں اپنی غیر قانونی کارروائیوں میں مزید 1800 سے زائد فلسطینیوں کو گرفتار کیا ہے جس میں 30 سے زائد خواتین ، 190 بچے اور 28 بزرگ شہری شامل ہیں۔
فلسطینی ذرائع کا کہنا ہے کہ گذشتہ 48 گھنٹوں کے دوران گرفتار کئے گئے فلسطینوں کی تعداد چار ہزار سے تجاوز کرگئی ہے جبکہ جگہ جگہ ہونے والی ان کارروائیوں کے دوران بعض مقامات پر جھڑپیں ہوئی ہیں۔