(روز نامہ قدس ۔آنلائن خبر رساں ادارہ)سات اکتوبر سے جاری وحشیانہ بمباری میں اب تک 42 ہزار 126 فلسطینی شہید اور 98,117 زخمی ہوچکے ہیں
مقبوضہ فلسطین کے شہر غزہ پر اسرائیلی جارحیت کو آج 372 دن ہوگئے ہیں، اسرائیلی فوج نے آج غزہ کے شمال میں واقع جمالیہ میں ایک رہائشی چوک پر وحشیانہ بمباری کی جس کےنیتجےمیں خواتین اور بچوں سمیت 22 فلسطینی شہید اور درجنوں زخمی ہوگئے۔
غزہ میں وزارت صحت کی جانب سے جاری رپورٹ میں بتایا گیا ہے کہ گذشتہ روز اسرائیلی بمباری میں خواتین اور بچوں سمیت 61 فلسطینی شہید 231 زخمی ہوئے تھے، سات اکتوبر سے جاری وحشیانہ بمباری میں اب تک 42 ہزار 126 فلسطینی شہید اور 98,117 زخمی ہوچکے ہیں، زخمیوں میں 70 فیصد سے زائد خواتین اور بچے شامل ہیں۔