(روز نامہ قدس ۔آنلائن خبر رساں ادارہ) گذشتہ 24 گھنٹوں کے دوران صیہونی افواج نے غزہ کے مختلف علاقوں میں شہریوں کو نشانہ بنایا جس کے نیتجے میں خواتین اور بچوں سمیت 25 فلسطینی شہید اور متعدد زخمی ہوگئے۔
غزہ میں فلسطینی وزارت صحت نے غیر قانونی صیہونی ریاست اسرائیل کی محصور شہر غزہ پر جاری وحشیانہ بمباری اور جنگی جرائم کی تازہ تفصیلات جاری کیں ہیں جس میں بتایاگیا ہے کہ صیہونی فوج نے گذشتہ چوبیس گھنٹوں کے دوران غزہ کے مختلف علاقوں میں شہریوں کو نشانہ بنایا جس کے نیتجےمیں خواتین اور بچوں سمیت 25 فلسطینی شہید ہوگئے۔
رپورٹ میں بتایا گیا ہے کہ سات اکتوبر سے صیہونی فوج کے ہاتھوں جاری فلسطینیوں کی نسل کشی کی کارروائیوں میں اب تک 17 ہزار کے قریب بچے اور 11 ہزار سے زائد خواتین سمیت 41,595 فلسطینی شہید اور 96,251 زخمی ہو چکے ہیں۔