(روز نامہ قدس ۔آنلائن خبر رساں ادارہ ) صیہونی افواج نے گذشتہ چوبیس گھنٹوں کے دوران قتل عام کا سلسلہ جاری رکھا ہے جس میں خواتین اور بچوں سمیت مزید 34 فلسطینی شہید اور 114 زخمی ہوگئے۔
فلسطینی وزارت صحت نے غیر قانونی صیہونی ریاست اسرائیل کی غزہ پر 319 دنوں سے جاری وحشیانہ بمباری اور جنگی جرائم میں شہید ہونے والوں کی تازہ تفصیلات جاری کی ہیں جس کے مطابق غاصب صیہونی افواج نے گذشتہ 24 گھنٹوں کےد وران غزہ کے مختلف علاقوں میں بمباری اور فائرنگ سے خواتین اور بچوں سمیت مزید 34 فلسطینیوں کو شہید اور 114 کو زخمی کردیا۔
گزشتہ اکتوبر کی سات تاریخ سے جاری وحشیانہ اسرائیلی فوج کی بمباری میں اب تک 15 ہزار سے زائد بچے اور 11 ہزار سے زائد خواتین سمیت 40,173 فلسطینی شہید اور 92,857 زخمی ہو چکے ہیں۔