(روز نامہ قدس ۔آنلائن خبر رساں ادارہ) جہنم واصل ہونے والوں میں 19 سالہ سپاہی رون ایپسٹین ہے جو گذشتہ روز میں بارودی مواد کے دھماکے میں مارا گیا۔
غیر قانونی صیہونی ریاست اسرائیل کے معروف عبرانی اخبار یدیعوت احرنوت میں شائع اسرائیلی فوج کے ترجمان کے ایک بیان میں اعتراف کیا گیا ہے کہ شمالی غزہ کا علاقہ جبالیہ خاص طورپر اسرائیلی فوج کے لئے مہلک ثابت ہوا ہے جہاں جارحیت کے آغاز سے اب تک 29 فوجی مارے گئے ہیں۔
رپورٹ میں بتایا گیا ہے کہ گیواتی بریگیڈ کے تسپر بٹالین کے فرسٹ سارجنٹ 19 سالہ رون ایپسٹین گذشتہ روز جبالیہ میں بارودی مواد کے دھماکے میں مارا گیا جبکہ 162 ویں ڈویژن سے تعلق رکھنے والی 3 بریگیڈز جبالیہ میں 48 دنوں سے لڑ رہی ہیں۔
اس سے قبل حماس کے عسکری ونگ القسام بریگیڈز نے کہا تھا کہ اس کے مجاھدین نے 15 فوجیوں پر مشتمل اسرائیلی فوج کے ایک گروپ پر حملہ کرکے انہیں موت کے گھاٹ اتار دیا۔
القسام نے ایک بیان میں وضاحت کی ہے کہ اس کے جنگجو 15 فوجیوں کی فٹ فورس کے ساتھ تصادم کرنے میں کامیاب ہو گئے اور پٹی کے شمال میں واقع بیت لاہیہ اسکوائر کے علاقے میں صفر کے فاصلے سے انہیں ختم کر دیا۔