(روز نامہ قدس ۔آنلائن خبر رساں ادارہ ) سات اکتوبر سے جاری اسرائیلی وحشیانہ بمباری میں اب تک 15 ہزار سے زائد بچوں اور 11 ہزار سے زائد خواتین سمیت 37,598 فلسطینی شہید ہوچکےہیں۔
فلسطینی وزارت صحت کی جانب سے جاری رپورٹ میں غیر قانونی صیہونی ریاست اسرائیل کی مقبوضہ فلسطین کےمحصور شہر غزہ پر اسرائیلی دہشتگردی کے نتیجےمیں شہید ہونے والوں کی تازہ تفصیلات جاری کی گئی ہیں جس میں بتایا گیا ہےکہ نو ماہ سے جاری اسرائیلی دہشتگردی کے نیتجےمیں کم از کم 37,598 فلسطینی شہید اور 86,032 زخمی ہو چکے ہیں۔
اسرائیلی جارحیت کے نیتجے میں غزہ شہر کی 85 فیصد عمارات تباہ ہوچکی ہیں جس کے باعث 20 لاکھ سے زائد فلسطینی بے گھر ہوچکے ہیں۔