(روز نامہ قدس ۔آنلائن خبر رساں ادارہ ) 7 ماہ سے جاری اسرائیلی دہشتگردی میں 15 ہزار بچوں اور 11 ہزار خواتین سمیت 37ہزار 266 فلسطینی شہید اور 85 ہزار 102 زخمی ہوچکےہیں۔
غزہ پر صیہونی ریاست کی جانب سے مسلسل 252ویں روز بھی وحشیانہ بمباری کا سلسلہ جاری ہے ، اسرائیلی قابض افواج کی پرتشدد بمباری کے نتیجے میں روزانہ سیکڑوں شہید اور زخمی ہو رہے ہیں،رہائشی عمارات؛ اسکول اور اسپتالوں سمیت ضروریات زندگی کی تمام سہولیات تباہ ہورہےہیں ۔
گزشتہ روز بین الاقوامی تنظیم ڈاکٹرز وِدآؤٹ بارڈرز نے اعلان کیا کہ غزہ کی پٹی پر اسرائیل کی شدید بمباری اور زمینی حملوں میں رواں جون کے آغاز سے اب تک صیہونی دہشتگردی میں 800 سے زائد فلسطینی شہید اور کم از کم 2400 زخمی ہو چکے ہیں۔ 7 اکتوبر سے غزہ کی پٹی پر اسرائیل کی تباہی کی جنگ میں 37,232 سے زیادہ شہری ہلاک اور 85,037 دیگر زخمی ہوئےہیں جبکہ ہ ہزاروں متاثرین ملبے تلے دبے ہوئے ہیں۔