(روز نامہ قدس ۔آنلائن خبر رساں ادارہ ) فلسطینی مزاحمت کاروں نے غاصب فورسز اور غیر قانونی صہیونی آبادکاروں پر مختلف مقامات پر فائرنگ کی ،دھماکہ خیز مواد سے حملہ کیا جبکہ صہیونی مسافر بسوں اور گاڑیو کو سنگ باری سے نقصان پہنچایا جس میں متعدد آبادکاروں کے زخمی ہونے کی اطلاع
مقبوضہ مغربی کنارے اور بیت المقدس میں قابض فوج اور آباد کاروں کے خلاف گذشتہ 24 گھنٹوں کے دوران 21 کامیاب مزاحمتی کارروائیاں کی گئیں جس میں متعدد صہیونیوں کے زخمی ہونے کی اطلاعات ہیں،ان کارروائیوں میں نمایاں طور پر پانچ فائرنگ، دھماکہ خیز آلات اور مولوٹوف کاک ٹیل پھینکنا اور آباد کاروں کی گاڑیوں اور بسوں پر حملے شامل ہیں۔
مزاحمت کاروں نے جنین کے علاقوں، برقین اور عرابہ کے قصبوں میں "موفودوتان” بستی کی جانب قابض فوج اور آباد کاروں کو نشانہ بنایا اور خالی کرائی گئی "ترسلا” بستی کے قریب آباد کاروں کی بس کو نشانہ بنایا، جس سے اسے نقصان پہنچا۔
مزاحمت کاروں نے مقبوضہ بیت المقدس کے قصبے ابو دیس میں قابض فوج پر فائرنگ کی اور نابلس کے علاقے المربعہ کے قریب قابض فورسز پر دھماکہ خیز مواد پھینکا اور جھڑپوں کے دوران مزاحمتی نوجوانوں نے قابض فوج پر مولوٹوف کاک ٹیل پھینکے۔
القدس، رام اللہ، جنین، نابلس، بیت لحم اور الخلیل میں 11 محاذ آرائی کے مقامات پر جھڑپیں ہوئیں، اس دوران نوجوانوں نے قابض فوج پر پتھراؤ کیا۔