اسرائیلی سکیورٹی فورسز نے اسلامی تحریک مزاحمت ۔ حماس کے معروف رہنما اور مقامی حکومتوں کے فلسطینی وزیر عیسی جعبری ’’ابو خیری‘‘ کو رہا کردیا ہے۔
اتوار کے روز رہائی پانے والے جعبری کے اہل خانہ نے ’’مرکز اطلاعات فلسطین‘‘ کے ساتھ اپنی خصوصی گفتگو میں بتایا کہ جعبری کو 23 ماہ تک انتظامی حراست میں رکھا گیا۔
انہیں مئی 2011 ء میں الخلیل سے گرفتار کیا گیا تھا۔ انہیں صحرائے نقب کی جیل سے رہا کیا گیا جہاں پر جعبری کے اہل خانہ، رشتہ دار، دوستوں اور دیگر سیکڑوں افراد نے ان کا بھرپور استقبال کیا۔
اسرائیلی فوج اس سے قبل بھی فلسطینی وزیر جعبری کو گرفتار کرچکی ہے، وہ آٹھ سال تک صہیونی عقوبت خانوں کی تنگیاں اور تکالیف برداشت کر چکے ہیں، دلچسپ بات یہ ہے کہ ان آٹھ میں سے چھ سال تک انہیں بغیر کسی فرد جرم کے محض انتظامی حراست میں رکھا گیا ہے
بشکریہ:مرکز اطلاعات فلسطین