(روز نامہ قدس ۔آنلائن خبر رساں ادارہ ) صیہونی افواج کی غزہ پروحشیانہ بمباری کے نیتجےمیں اب تک خواتین اور بچوں سمیت 77،816 فلسطینی زخمی ہیں جبکہ 10 ہزارسے زائد لاپتہ ہیں جن کےحوالے سے خدشہ ہےکہ وہ ملبےتلے دبے ہوئے ہیں۔
فلسطینی وزارت صحت کی جانب سے غزہ پراسرائیلی دہشتگردی کی جاری کردہ نئی تفصیلات میں بتایاگیا ہےکہ 7 اکتوبر سے اب تک صیہونی افواج کی وحشیانہ کارروائیوں میں اب تک 14 ہزاربچوں اور 10 ہزارسے زائد خواتین سمیت 34ہزار5سو96 فلسطینی شہید کئے جاچکےہیں۔
غزہ میں اسرائیلی بمباری اور دیگر جنگی کارروائیوں کے نتیجے میں زخمیوں کی تعداد اب تک 77816 ہو چکی ہے۔واضح رہے 6 مئی کو غزہ میں جاری اسرائیلی جنگ کے سات ماہ مکمل ہو جائیں گے۔ جبکہ اسرائیل غزہ میں جنگ بندی کے لیے تیار ہے نہ رفح پر اپنے نئے حملے سے باز آنے پر راضی ہے۔