(روزنامہ قدس ـ آنلائن خبر رساں ادارہ) قابض اسرائیل کے صہیونی انتہاءپسند ظالم وزیر سکیورٹی ایتمار بن گویر نے اسیر فلسطینی رہنما مروان البرغوثی کو قید میں قتل کی دھمکی دی ہے۔ غاصب عبرانی روزنامہ یسرائیل ہیوم کے مطابق سفاک بن گویر نے بدنام زمانہ غانوت قید خانے میں البرغوثی سے ملاقات کی، جہاں قابض ریاست اپنے قیدی رہنماؤں کو رکھتی ہے۔ ملاقات کے دوران جابر بن گویر نے البرغوثی سے کہا کہ جو بھی صہیونی آبادکاروں کی جارحیت کے خلاف کارروائیاں کرے گا ،اس کا انجام موت ہوگا۔
مروان البرغوثی کے اہل خانہ نے ان کے چہرے کے بدل جانے، شدید تھکن اور بھوک پر تشویش کا اظہار کیا ہے اور انہیں خدشہ ہے کہ درندہ صفت بن گویر کے فیصلے کے تحت البرغوثی کو قید خانے میں قتل کیا جا سکتا ہے۔
ایک ویڈیو میں غاصب صہیونی وزیر بن گویر کو البرغوثی کو دھمکی دیتے ہوئے دیکھا گیا کہ جو بھی قابض اسرائیل کی عوام کے خلاف مہمات میں ملوث ہوگا اسے مٹا دیا جائے گا اور یہ کہ آپ کے بچے اور خواتین کو قتل کرنے والے لوگوں کا انجام تباہی ہے یہ تاریخ میں ہمیشہ ایسا ہی رہا ہے۔” اس موقع پر انتہاءپسند سفاک و ظالم صہیونی وزیر بن گویر کے ساتھ قیدی خانے کا جابر افسر کوبی یعقوبی بھی موجود تھا جسے بن گویر نے خود مقرر کیا ہے۔
