(روزنامہ قدس ۔آن لائن خبر رساں ادارہ) صہیونی صدر کے دو روزہ دورے کے ایجنڈے کے اہم مسائل میں ممکنہ طور پر یورپ کو گیس کی فروخت شامل ہو گی جو کہ یوکرین تنازعے کے دوران ایک فوری حل طلب مسئلے کی صورت اختیار کرچکا ہے۔
عالمی نشریا تی ادارے کے مطابق قابض ریاست اسرائیل کے صدر اسحاق ہرزوگ ترک صدررجب طیب اردگان کی دعوت پر اپنے 2روزہ دورے پر ترکی پہنچ گئے۔
صہیونی صدر ہرزوگ نے اسرائیل میں اپنی روانگی سے قبل ایک بیان میں یہ واضح کردیا تھا کہ ہم ہر چیز پر متفق نہیں ہوں گے، اسرائیل اور ترکی کے درمیان تعلقات یقینی طور پر حالیہ برسوں میں اتار چڑھاؤ کا شکار رہے ہیں تاہم ہم اپنے تعلقات کو دوبارہ استوار کرنے کی کوشش کریں گے اور محتاط اندازاپنائیں گے۔
صہیونی صدر کے دو روزہ دورے کے ایجنڈے کے اہم مسائل میں ممکنہ طور پر یورپ کو گیس کی فروخت شامل ہو گی جو کہ یوکرین تنازعے کے دوران ایک فوری حل طلب مسئلے کی صورت اختیار کرچکا ہے۔
واضح رہے کہ ترکی، جو فلسطینی کاز کا حامی ہےاس کے سفارتی تعلقات قابض صہیونی ریاست اسرائیل کےساتھ ایک دہائی سے زیادہ عرصے سے ٹوٹ پھوٹ کا شکار تھےجس کے بعد کسی بھی اسرائیلی سربراہ کا 2007 کے بعد ترکی کا یہ پہلا دورہ ہے جس میں دونوں ممالک کشیدہ تعلقات کو دوبارہ مضبوط کرنے کی کوشش کریں گے۔