(روز نامہ قدس ۔آنلائن خبر رساں ادارہ ) رمضان المبارک کے دوسرے جمعہ کو غاصب صیہونی فوج نے مسجد اقصیٰ میں داخلے پر سخت پابندیاں عائد کررہی ہیں ۔ اسرائیلی افواج نے مقبوضہ بیت المقدس کے پرانے شہر کی طرف جانے والی سڑکوں کے تمام راستوں پر تعینات اپنی فوجی چوکیوں کے ذریعے مسجد اقصیٰ تک نمازیوں کی رسائی پر سخت پابندیاں عائد کر رکھی ہیں۔
صیہونی فوج نے مسجد الاقصیٰ کے دروازے اور اس سے ملحقہ راستے ، محلوں وادی الجوز، السوانہ، الطور، الثوری، سلوان اور راس العمود سے جدا کر دیا اور گاڑیوں کو پہنچنے سے روکنے کے بعد وہاں کی سڑکوں کو آہنی رکاوٹیں لگا کر بند کر دیا۔
مقبوضہ بیت المقدس میں اسلامی اوقاف کے محکمے کے مطابق صیہونی سخت پابندیوں کے باوجود ، 120,000 سے زیادہ فلسطینیوں نے مسجد اقصیٰ میں نماز جمعہ ادا کیا ۔
مسجد اقصیٰ کے خطیب و مبلغ شیخ خالد ابو جمعہ نے اپنے خطبہ میں غزہ کی پٹی میں فلسطینی عوام کو قتل و غارت سمیت تباہی کی جنگ کے بارے میں بات کرنے کے لیے وقف کرتے ہوئے انہیں صبر، ثابت قدمی اور استقامت کی تلقین کی۔
نماز کے اختتام کے بعد ہزاروں نمازیوں نے شہداء کی روح کے ایصال ثواب کے لیے غائبانہ نماز ادا کی اور رمضان المبارک کے پہلے جمعہ کی طرح پرانے شہر کی سڑکوں اور بازاروں میں لوگوں کا بڑا ہجوم نظر آیا۔