(روز نامہ قدس ۔آنلائن خبر رساں ادارہ ) وحشیانہ صیہونی بمباری سے اب تک 61 ہزار سے زائد فلسطینی زخمی ہیں 10 ہزار سے زائد تاحال ملبے تلے دبے ہوئے ہیں جبکہ 20 لاکھ فلسطینی بے گھر ہوچکے ہیں۔
فلسطینی وزارت صحت کی جانب سے جاری کردہ بیان میں بتایا گیا ہے کہ غیر قانونی صیہونی ریاست اسرائیل کی جانب سے غزہ کے نہتے شہریوں کے خلاف سنگین جنگی جرائم کا سلسلہ جاری ہے، گذشتہ 24 گھنٹوں کےد وران اسرائیلی فوج نے وحشیانہ بمباری میں مزید 150 سے زائد فلسطینیوں کو شہید کردیا ہے جس میں 70 فیصد سے زائد خواتین اور بچے شامل ہیں۔
وزارت صحت کی جانب سے جاری رپورٹ میں بتایاگیا ہے کہ اسرائیل نے غزہ پر جاری وحشیانہ بمباری گذشتہ تین ماہ سے جاری رکھی ہوئی ہے جس کے نیتجےمیں شہر کی 90 فیصد عمارات تباہ ہوچکی ہیں اور 20 لاکھ سے زائد فلسطینی بے گھر ہیں۔