اسلامی تحریک مزاحت ۔ حماس کے معروف رہنما عزت رشق کا کہنا ہے کہ گزشتہ ماہ تبادلہ اسیران معاہدے کی رو سے اکثر فلسطینی اسیرات کی رہائی کے بعد صہیونی جیلوں میں باقی بچ رہ جانے والی 09 اسیرات کی رہائی کا معاملہ حل ہونے کے قریب ہے۔
عزت رشق کی جانب سے سماجی روابط کی معروف ویب سائٹ ’’فیس بک‘‘ پر نشر کیے گئے بیان میں کہا گیا ہے کہ صہیونی جیلوں میں موجود نو فلسطینی اسیرہ خواتین کے معاملے پر مصری ثالثی میں بات چیت جاری ہے اور امید ہے کہ معاہدے کے دوسرے مرحلے میں رہا ہونے والے 550 فلسطینی اسیران میں یہ نو اسیرات بھی شامل ہونگی۔
دوسری جانب عزت رشق نے اپنے بیان میں پہلے مرحلے میں رہا ہونے والے 477 فلسطینی اسیران کو حج کی ادائی کے لیے بلائے جانے پر سعودی فرماں رواں خادم الحرمین الشریفین کنگ عبد اللہ بن عبد العزیز کا بھی تہہ دل سے شکریہ کیا۔
ان کا کہنا تھا کہ خادم الحرمین کے اس فیصلے نے قیدیوں کی تقدیر بدل دی ہے۔ سالوں کے مصائب اور مشقتیں برداشت کرنے والوں کو آج صلے میں اللہ کے گھر کی زیارت کا موقع مل رہا ہے۔