پاکستان کی سیاسی ،مذہبی و سماجی جماعتوں سمیت سول سوسائٹی فلسطینیوں پر اسرائیلی مظالم کے خلاف صدائے احتجاج بلند کرے،فلسطین صرف فلسطینیوں کا ہے ،پناہ گزین فلسطینیوں کو ان کے وطن لانے کے لئے عالمی برادری کردار ادا کرے۔
ان خیالات کا اظہار فلسطین فاؤنڈیشن پاکستان کی مرکزی سرپرست کمیٹی کے اراکین سابق رکن قومی اسمبلی مظفر احمد ہاشمی(رہنما جماعت اسلامی)،علامہ قاضی احمد نورانی صدیقی(مرکزی رہنما جمعیت علماء پاکستان)،ایڈووکیٹ محفوظ یار خان (رہنما پاکستان عوامی مسلم لیگ)،،مولانا سید عقیل انجم(رہنما جمعیت علماء پاکستان)،اور فلسطین فاؤنڈیشن پاکستان کے مرکزی ترجمان صابر کربلائی نے پریس کانفرنس سے خطاب کرتے ہوئے کیا۔
فلسطین فاؤنڈیشن پاکستان کے مرکزی رہنماؤں کاکہنا تھا کہ ۱۴ مئی سنہ ۱۹۴۸ سے ۲۰۱۲ تک پورے ۶۴ سال گزر چکے ہیں اور مظلوم فلسطینی عوام غاصب صیہونی ریاست اسرائیل کے مظالم کی چکی میں پس رہے ہیں ،ان کاکہنا تھا کہ فلسطینیوں کا گناہ کیا ہے؟ کہ وہ فلسطین میں بسنے والے ہیں؟ اور اپنے وطن میں رہنا چاہتے ہیں؟انہوں نے کہا کہ عالمی استعمار برطانیہ اور فرانس کے جرائم پر پردہ پوشی نہیں کی جا سکتی کہ جنہوں نے انبیاء ؑ کی سرزمین فلسطین پر ایک ایسے سرطان کو جنم دیا کہ جو نہ صرف عالم اسلام بلکہ انسانیت کے دل میں ایک خنجر کی مانند ہے۔ان کاکہنا تھا کہ دسیوں لاکھ فلسطینی رنج و آلام میں ہیں جبکہ یہ افراد چھ عشرے گزر جانے کے باوجود بھی اپنے گھروں سے دور ہیں اور آوارہ وطن کر دئیے گئے ہیں۔رہنماؤں کاکہنا تھا کہ فلسطین ہر صیہونی غاصبوں کے قبضہ کو ساٹھ سال سے زیادہ گزر چکے ہیں اورا س خون ریز المیہ کے اصلی ذمہ داروں کو سب پہچانتے ہیں جن میں برطانیہ کی سامراجی حکومت سر فہرست ہے جس کی سیاست ،اسلحہ،فوج اور اقتصادی و ثقافتی توانائیاں غاصب صیہونی ریاست اسرائیل کی مدد گار بنیں۔ رہنماؤں کاکہنا تھا کہ د نیا کی نام نہاد بلند و بانگ دعوے کرنے والی حکومتیں خصوصاً عالمی استعما ر امریکہ،برطانیہ ،فرانس اورعالمی برادری کی روز اول سے مجرمانہ خاموشی اور غاصب صیہونی ریاست اسرائیل کی پشت پناہی نے یہ بات روز روشن کی طرح عیاں کر دی ہے کہ یہ سب کے سب فلسطینی عوام کے دشمن ہیں۔انہوں نے مزید کہا کہ اقوام متحد ہ امریکی کٹھ پتلی ہے ،ملک بھر میں بشمول کراچی،لاہور،ملتان،اسلام آباد،حیدرآباد اور کوئٹہ سمیت دیگر شہروں میں ۱۵ مئی کو فلسطین عوام سے اظہار یکجہتی کرتے ہوئے ’’یوم نکبہ ‘‘ (فلسطینیوں پر ڈھائی جانے والی بہت بڑی مصیبت کا دن)کے عنوان سے پروگرامات منعقد کئے جائیں گے ۔جبکہ کراچی میں ۱۱ مئی کو میمن مسجد کے باہر بعد نماز جمعہ احتجاجی مظاہرہ کیا جائے گا اور ۱۴ مئی کو فلسطینی عوام سے اظہار یکجہتی کے لئے طلباء تنظیمیں اورفلسطین فاؤنڈیشن اقوام متحدہ کے دفتر کے سامنے پر امن احتجاجی مظاہرہ کرے گی جس میں ایک فلسطینی عوام سے متعلق ایک قرار داد پیش کی جائے گی۔۱۵ مئی یوم نکبہ کو کراچی کی درسگاہ وفاقی جامعہ اردو گلشن کیمپس میں سیمینار بعنوان ’’فلسطین ،فلسطینیوں کا وطن‘‘ کا انعقاد کیا جائے گا جبکہ اسلام آباد میں سیمینار منعقد کیاجائے گا جس کی صدارت فلسطینی سفیر کریں گے اور دیگر مہمانان گرامی میں پاکستان مسلم لیگ نواز کے چیئر مین راجہ ظفر الحق،عوامی نیشنل پارٹی کے سینئر نائب صدر سینیٹر حاجی عدیل خان اور عیسائی رہنما جے سالک سمیت دیگر خطاب کریں گے۔
رہنماؤ نے مزید کہا کہ ’’یوم نکبہ‘‘ کے موقع پر ہم پوری دنیا کی حکومتوں سے اور بالخصوص پاکستان حکومت سے مطالبہ کرتے ہیں کہ فلسطین کے دسیوں لاکھ پنا گزینوں کو ان کے گھروں میں واپس بھیجنے کے لئے عالمی اداروں میں آواز بلند کی جائے ۔ان کاکہنا تھا کہ ہم کسی جنگ کی خواہش نہیں رکھتے اور نہ ہی یہودیوں کو سمندر میں غرق کرنے کا ارادہ رکھتے ہیں بلکہ ہم چاہتے ہیں کہ تمام فلسطینی جو دنیا بھر میں جہاں کہیں بھی آباد ہیں اپنے گھروں کو لوٹ سکیں اور حکومت کا نظام ایک ریفرنڈم کے زریعے انجام دے کر یہ فیصلہ کریں کہ بعد میں آنے والے یہودیوں کو فلسطین میں رہنا چاہئیے یا نہیں۔ میں مدد فراہم کریں ۔