(روزنامہ قدس ۔آن لائن خبر رساں ادارہ) جے یو پی کے رہنماؤں کا کہنا ہے کہ متحدہ عرب امارات نے عالم اسلام کے قلب میں پیوست خنجر کی مانند ناجائز صیہونی ریاست اسرائیل کو تسلیم کرکے دنیا بھر کے حریت پسندوں کے جذبات کو مجروح کیا ہے۔
جمعیت علماء پاکستان کے مرکزی ڈپٹی سیکریٹری جنرل علامہ عقیل انجم قادری اور کراچی کے صدر علامہ قاضی احمد نورانی صدیقی نے کراچی پریس کلب میں مشترکہ پریس کانفرنس سے خطاب کرتےہوئے پاکستان کی اشرافیہ کو خبردار کرتے ہوئے کہا ہے کہ پاکستان کی نام نہاد اشرافیہ کسی بھی طرح اسرائیل کے لئےنرم گوشہ اختیار کرنے کے باز رہے ، اس موقع پر علامہ بشیر القادری ، عبدالوحید یونس ، ذیشان الہیٰ ، اسفند یار اور دیگر موجودتھے ۔
جے یو پی کے رہنماؤں نے کہا کہ مسئلہ فلسطین کے منصفانہ حل کے بغیر عالمی امن کی ضمانت ناممکن ہے ، اماراتی حکمرانوں کی جانب سے اسرائیل کو تسلیم کرنے کے فیسلے ن عرب حکمرانو ں کے چہرے پر باقی منفافقت کی آخری نقاب بھی اتاردی ہے ، امریکا اور اس کے حواریوں کی بولی بولنے والے حکمرانوں کو غیر ت مند مسلمانوں نے مستردکردیا ہے ۔
انھوں نے کاہ کہ اسرائیل امریکا کی سرپرستی میں فلسطین سمیت تمام دنیا باالخصوص عرب ممالک کے امن کو برباد کردیا ہے اس کے باوجود نام نہاد مسلم حکمران امریکا کے خوف سے جعلی ریاست اسرائیل کی ہر ناجائز خواہش پوری کرنے پر آمادہ ہیں ، متحدہ عرب امارات نے عالم اسلام کے قلب میں پیوست خنجر کی مانند ناجائز صیہونی ریاست اسرائیل کو تسلیم کرکے دنیا بھر کے حریت پسندوں کے جذبات کو مجروح کیا ہے
انہوں نے کہا کہ مسلم امہ کی فکر اور دنیا میں امن کی باتین کرنے والوں کی زبانیں اسرائیل کی جانب سے غزہ پر وحشیانہ بمباری کے باوجود خاموش ہیں ، دنیا کے مہذب انسانوں کو انسان جانوروں کےحقوق کے ن ام پر بے وقوف بنانے والوں کو آخر انبیاء کی سرزمین فلسطین پر انسانی حقوق کی پامالی کیوں نظر نہیں آتی کیا عرب حکمرانوں کو دیکھائی نہیں دیتا کہ فلسیطنیوں کی زمین پر قبضہ کرنے والے صیہونیوں نے فلسطینیوں کے ساتھ غیر انسانی سلوک رواں رکھا ہوا ہے