ٹرمپ کو نیتن یاہو کا فون ، غزہ پر گفتگو میں حماس کو دھمکی

(روز نامہ قدس ۔آنلائن خبر رساں ادادہ) نومنتخب امریکی صدر ڈونلڈ ٹرمپ نے اسرائیلی وزیراعظم بنیامین نیتن یاہو سے غزہ جنگ کے حوالے سے ٹیلی فونک گفتگو کی۔ غیر ملکی میڈیا کے مطابق دونوں رہنماؤں نے موجودہ صورتحال پر تبادلہ خیال کیا۔

فلوریڈا میں میڈیا سے گفتگو کے دوران ڈونلڈ ٹرمپ نے کہا کہ انہوں نے نیتن یاہو کو واضح کیا ہے کہ "20 جنوری کو میرے صدارتی منصب سنبھالنے کے بعد اس معاملے کو دیکھیں گے”۔ انہوں نے حماس کو خبردار کرتے ہوئے کہا کہ اگر 20 جنوری تک اسرائیلی یرغمالیوں کو رہا نہ کیا گیا تو "ایک قیامت ٹوٹ پڑے گی”۔

ٹرمپ نے مزید کہا کہ ان کے صدارتی عہدہ سنبھالنے تک اگر جنگ بندی کا معاہدہ نہ ہوا تو صورتحال مزید سنگین ہو سکتی ہے۔