(روزنامہ قدس ۔آن لائن خبر رساں ادارہ) فلسطینی وزارت صحت کا کہنا ہے کہ گزشتہ چوبیس گھنٹوں کےدوران مقبوضہ فلسطین کےمختلف علاقوں میں کورونا وائرس سے متاثر ہ تین افراد جاں بحق ہوگئے ہیں جس کے بعد فلسطین میں عالمی وباء سے جاں بحق ہونےوالوں کی مجموعی تعداد 106 ہوگئی ہے۔
فلسطینی وزیر صحت می کیلہ کی جانب سےجاری بیان میں گزشتہ چوبیس گھنٹوں کے دوران کورونا وائرس سے تین ہلاکتوں اور 476 نئے کیسز کی تصدیق کی گئی ہے ، جاں بحق ہونےوالوں کا تعلق مقبوضہ بیت المقدس ، الخلیل اور رام اللہ سے ہے۔
وزیرصحت کے بیان کےمطابق جن علاقوں میں نئے کیسز ریکارڈ کئے گئے ہیں ان میں الخلیل میں 182 ، نابلس میں 17 ، بیت المقدس میں 28 ، قلقیلیہ میں 13 ، رام اللہ میں 44 ، البیرہ میں 6 ، جینن میں 12 ،اریحا اور وادی اردن میں 3 سیلفٹ میں ، 7 تلکریم میں ، 172 یروشلم میں ، اور 3 غزہ سے ہےجبکہ انتہائی نگہداشت والے یونٹوں میں 21 مریض تشویشناک حالت میں علاج کر رہے ہیں۔