(روزنامہ قدس ۔آن لائن خبر رساں ادارہ) مقبوضہ فلسطین میں عارضہ قلب میں مبتلا 4 سالہ بچی کے باپ کی اپیل پر اب تک حکومتی اداروں کی جانب سے کوئی رد عمل سامنے نہیں آسکا ۔
گزشتہ روزسماجی رابطے کی ویب سائٹ کے ذریعےموصول ہونے والی ایک وڈیو جسکے مطابق مقبوضہ فلسطین کے علاقے ڈورا سے تعلق رکھنے والے فلسطینی باشندے عبد اللہ عمریح جن کی 4سالہ بیٹی سارہ پیدائشی طور پرعارضہ قلب میں مبتلا ہے اور پیدائش سے لے کر اب تک اس کے دل کے 2 کامیاب اوپن آپریشن کیے جاچکےہیں تاہم تیسرا آپریشن بچی کی صحت کے پیش نظر جان لیوا ہوسکتا ہے جس کے بعد صرف دل کیپیوند کاری ہی وہ واحد رستہ ہے جس کے ذریعے بچی کی جان بچائی جاسکتی ہے ۔
بچی کے والد نے نشاندہی کرتے ہوئے بتایا ہے کہ فلسطین میں دل کے ٹرانسپلانٹیشن کی سہولیات نہ ہونے کے باعث بچی کا علاج بیرون ملک ہی ممکن ہے اور ہمیں بیرون ملک سفر کی ضرورت ہےجبکہ میرے پاس جو کچھ بھی تھا وہ میں 4سالوں میں بچی کے علاج پر خرچ کر چکا ہوں ۔
بچی کے والد نے وڈیو کے ذریعے صدر اور وزیر اعظم سے اپیل کر تے ہوئے کہا ہے کہ میں ایک عام شہری ہوں اور میں کافی اسٹال پر کام کرتا ہوں ان حالات میں میری بیٹی کی زندگی خطرے میں ہے اور اسے دل کے ٹرانسپلانٹ کے لئے فوری طور پر میڈیکل سہولیات کی ضرورت ہے میں دنیا کے ہر آزاد اور معزز فرد سے اپیل کرتا ہوں اور میں صدر، وزیر اعظم ، وزیر صحت، اور تمام عہدیداروں اور گورنرز سے اپیل کرتا ہوں کہ وہ ہمارے ساتھ کھڑے ہوں اور ہماری مدد کریں ، میں صرف اپنی بیٹی کا علاج کرانا چاہتا ہوں تاکہ میں سے محروم نہ ہوجاؤں ۔