(روزنامہ قدس ۔آن لائن خبر رساں ادارہ) مقبوضہ فلسطین میں فلسطینی مزاحمت کاروں کی رصدگاہوں پر اسرائیلی گولہ باری اور زمینی حملے جاری ۔
ذرائع کے مطابق ایک روز قبل مقبوضہ فلسطین کےعلاقے غزہ کی پٹی پر خان یونس کے مقام پر فلسطینی مزاحمت کاروں کی رصد گاہوں پر صہیونی فوج کی جانب سےگولہ باری اور فضائی حملے کئے گئے۔
گزشتہ روزصہیونی فوج نے دعوہ کیا تھا کہ غزہ کی پٹی سے سرحد کی دوسری جانب یہودی کالونیوں پر میزائل داغا گیا، جس کے جواب میں فلسطین کے علاقے غزہ کی پٹی پر فوج کے فضائی اور زمینی حملے وقفے وقفےسے جاری ہیں۔صہیونی فوج نے توپ خانے سے جنوبی غزہ میں خان یونس کے مقام پر مزاحمت کاروں کی رصد گاہوں پر گولہ باری کی اور صہیونی فوج کے ٹینکوں نے مشرقی خزاعہ اور مشرقی رفح میں کرم ابو معمر کے مقام پر فضائی حملے کیے، جبکہ فلسطینی مزاحمتی تنصیبات کو بھی نقصان پہنچایا گیا، تاہم کسی قسم کے جانی نقصان کی اطلاعات موصول نہیں ہوئی ہیں ۔