(روزنامہ قدس ۔آن لائن خبر رساں ادارہ) صیہونی فوج نے مقبوضہ بیت المقدس اور با العمود کے علاقوں سے پانچ فلسطینی نوجوانوں کو اغواء کرکے نامعلوم مقامات پر منتقل کردیا ۔
گزشتہ روز سماجی رابطوں کی ویب سائٹ پر ایک ویڈیو وائرل ہوئی جس میں واضح طو پر دیکھا جاسکتا ہے ہے کہ صیہونی فوجیوں نے مقبوضہ بیت المقدس میں مسجد اقصیٰ کے قریبی علاقی باب العمود سے پانچ فلسطینی نوجوانوں کو روکا اور تلاشی کے بعد جب کوئی مشکوک چیز برآمد نہیں ہوئی تو انھیں بری طرح تشدد کا نشانہ بناتے ہوئے اپنے ہمراہ لے گئے ۔
اس سے قبل ، صیہونی فوج نے مقبوضہ بیت المقدس کے مشرقی علاقے الطور میں واقع گھروں پر تلاشی کا عمل شروع کیا اور روایتی لوٹ مار کے بعد چار نوجوانوں کو اغوا کرکے نامعلوم مقام پر منتقل کیا ۔
دوسری جانب صیہونی فوج نے مقبوضہ بیت المقدس کے علاقے شوفاعات پناہ گزین کیمپ پر چھاپہ مارا اور تین فلسطینیوں کو اغواء کرلیا جن میں سے ایک کے بارے میں اسرائیلی فوج کا کہنا ہے کہ گھر گھر تلاشی کے دوران ایک شخص کے گھر سے اسلحہ برآمد ہوا ہے ۔