مقبوضہ بیت المقدس (روز نامہ قدس ۔آن لائن خبر رساں ادارہ) مسجد اقصیٰ کے محافظوں کے کمروں میں اچانک آگ لگ گئی جس کے نتیجے میں کمروں میں موجود کپڑے اور دیگر قیمتی سامان جل کر راکھ ہو گیا تاہم کسی قسم کا جانی نقصان نہیں ہوا ہے۔
روز نامہ قدس کو موصول ہونے والی اطلاعات کے مطابق مسجد اقصیٰ کے مصلیٰ المروانی کے اوپر بنائے گئے متعدد کمروں میں آگ بھڑک اُٹھی، جس نے متعدد کمروں کو اپنی لپیٹ میں لے لیا۔
مقامی فلسطینی ذرائع نے بتایاکہ آگ نے اچانک مصلیٰ المروانی کے مقام کو اپنی لپیٹ میںلے لیا۔ مسجد اقصیٰ کے انتظامی حکام اور فائر بریگیڈ نے فوری مداخلت کرتے ہوئے آگ پر قابو پالیا۔
آتش زدگی کی وجہ معلوم نہیں ہو سکی تاہم حکام نے اس واقعے کی تحقیقات شروع کر دی ہیں۔
خیال رہے کہ مصلیٰ المروانی میں 16 کمرے ہیں۔ چار دونم پر پھیلی اس جگہ میں ایک بڑی نماز گاہ ہے۔