(روز نامہ قدس ۔آنلائن خبر رساں ادارہ)اسرائیلی وزارت سلامتی نے اعلان کیا کہ لبنان میں زمینی حملوں کے دوران گذشتہ ایک ماہ میں تقریباً 900 فوجیوں کو ریسکیوکیا گی جو حزب اللہ کے ساتھ جھڑپوں میں زخمی ہوئے، یہ تعداد ستمبر کے مقابلے میں 1.5 گنا زیادہ ہے ۔
وزارتِ سلامتی نے انکشاف کیا کہ اس کے بحالی کے محکمے کو 12,000 زخمی افراد موصول ہوئے جن میں سے 900 فوجی ہیں زخمیوں میں51 فیصد اسرائیلی "آرمی” ریزرو سے تھے، اور ان کی عمریں 18 سے 30 سال کے درمیان تھیں۔
تفصیلات میں بتایا گیا ہے کہ زخمیوں میں 14 فیصد معمولی زخمی ہیں جبکہ باقی کی حالت یا تو تشویشناک ہے یا وہ زندگی بھر کی معذوری کا شکار ہوچکے ہیں۔رپورٹ میں مزید بتایا گیا ہے کہ جنگ کے نتیجے میں ہر ماہ تقریباً 1000 زخمی موصول ہوتے ہیں۔بحالی کے محکمے کے اندازوں کے مطابق اگر جنگ جاری رہتی ہے تو 2030 تک اسرائیلی فوج میں تقریباً ایک لاکھ معذور افراد ہوں گے جن میں سے نصف نفسیاتی معذوری کا شکار ہوں گے۔