(روزنامہ قدس ۔آن لائن خبر رساں ادارہ) صیہونی فوجی کل حزمہ کے علاقے میں اپنی ڈیوٹی مکمل کرنے کے بعد لاپتہ ہے اس کی تلاش کیلئے اسرائیلی فوج کی خصوصی ٹیمیں تشکیل دی گئی ہیں جبکہ عوام سے بھی معلومات فراہم کرنے کی اپیل کی گئی ہے۔
قابض صیہونی فوج کے ترجمان کی جانب سے جاری بیان کے مطابق 19 سالہ صیہونی فوجی ساگی بین ڈیوڈ مقبوضہ بیت المقدس شمالی مشرقی علاقے عناتا کے کیمپ عناتوت میں اپنی ڈیوٹی مکمل کرنے کے بعد سے لاپتہ ہے ، اسرائیلی پولیس اور فوج کی جانب سے ساگی بین ڈیوڈ کو تلاش کرنے میں عوام سے مدد کی درخواست کی گئی ہے جبکہ "ملٹری پولیس اور اسرائیلی فوج کے جوانوں پر مشتمل ایک مشترکہ یونٹ تشکیل دیا ہے جو کل سے لاپتہ ہونے والے اس فوجی کی تلاش جاری رکھے ہوئے ہیں ۔”