مقبوضہ بیت المقدس (روز نامہ قدس ۔آن لائن خبر رساں ادارہ) فلسطینی اراضی میں ’’الحدث‘‘ نیوز چینل کے نمائندے کے مطابق غزہ پٹی کے نزدیک اسرائیلی بستیوں میں غلطی سے خطرے کے سائرن بجا دیے گئے۔
روز نامہ قدس کو موصول ہونے والی اطلاعات کے مطابق فلسطینی طبی ذرائع نے بتایا ہے کہ منگل کی صبح مقبوضہ بیت المقدس کے شمال میں واقع قلندیہ پناہ گزین کیمپ کے نزدیک قابض اسرائیلی فوج کی فائرنگ سے 23 سالہ فلسطینی محمد عدوان شہید اور تین دیگر زخمی ہو گئے۔ مقامی آبادی کا کہنا ہے کہ اسرائیلی فوجیوں نے صبح سویرے قلندیہ کیمپ میں گرفتاریاں کیں۔ اس کے جواب میں فلسطینی نوجوانوں نے فوجیوں پر پتھراؤ کیا۔
ادھر اسرائیلی فوج نے کفر عقاب کے علاقے میں کارروائی کے دوران ’’ہنگامہ آرائی‘‘ کی خبر دی۔
اس سے قبل اسرائیلی فوج کی بوٹس نے غزہ پٹی میں خان یونس اور رفح کے مقابل ساحلوں میں فلسطینی ماہی گیروں کی کشتیوں کی جانب فائرنگ کی۔