قلندیا کیمپ پر اسرائیلی فوج کا دھاوا، دو فلسطینی شہید، دسیوں زخمی

قابض اسرائیلی فوج نے سوموار کی صبح مقبوضہ بیت المقدس کے قلندیا کیمپ پر ہلہ بول دیا جس کے بعد کیمپ میں موجود فلسطینیوں کے ساتھ ان کی مدبھڑ ہوئی جس میں کم سے کم دو نوجوان شہید ہوئے۔ علی الصباح کی جانے والی اسرائیلی کارروائی میں محمد شاہین شامی فلسطینی قیدی کا گھر بھی مسمار کر دیا گیا۔

میڈیکل ذرائع نے بتایا کہ اٹھائیس سالہ احمد ابو العیش اور اکیس سالہ ولیث اسعد مناصرہ قلندیا میں اسرائیلی فوجیوں کی گولی سے زخمی ہوئے جبکہ دسیوں زخمی ہوئے۔ زخمیوں میں چار افراد کو براہ راست گولیاں لگیں۔ کارروائی کے دوران اسرائیلی فوج نے زخمی ہونے والے لڑکوں کو بھی گرفتار کیا اور ساتھ لے گئی جبکہ قلندیا کیمپ میں ایک تیسرے نوجوان کی شہادت کی خبر بھی پھیل گئی۔

حال ہی میں اسرائیلی قید سے رہا ہو کر آنے والے قلندیا کیمپ کے ایک رہائشی نے بتایا کہ قابض فوج نے مقامی وقت شب دو بجے محاصرہ کیا اور اس کے بعد ہلہ بول دیا۔ رات گئے اپنی کارروائی میں اسرائیلی فوج نے اسیر فلسطینی محمد شاہین کے گھر پر بھی چھاپا مارا، صہیونی حکام نے ان کا گھر مسمار کرنے کی دھمکی دے رکھی ہے۔

انہوں نے بتایا کہ مزاحمت کار نوجوانوں نے اسرائیلی فوج کا مقابلہ کیا جس میں مسلح جھڑپیں شروع ہو گئیں جس میں ابو العیش نامی نوجوان شہید ہوا۔