(روزنامہ قدس ۔آن لائن خبر رساں ادارہ) صہیونی فوج نے بے گناہ فلسطینی مظاہرین پر اپنے حقوق کی آواز اٹھانے کے جرم میں دھاوا بول کر درجنوں شہریوں کو گرفتار کرلیا۔
ذرائع کے مطابق گزشتہ روز قابض فوج نے بیت المقدس کے جنوب میں واقع مرہ ربہ نامی قصبے سے ایک نوجوا ن کو اس کے گھر سے تلاشی کے دوران اغواء کر لیا، اغواء ہونے والے فلسطینی شہری کی عمر22 سال بتائی جاتی ہےجبکہ قابض فوج نے جینن کے مغرب میں واقع زبابا گاؤں میں فلسطینی باشندوں نےصہیونی آبادکاری کے خلاف پرامن مظاہرہ کیا جس کو منتشر کر نے کے لیے صہیونی فورسز نے بھاری مقدار میں آنسو گیس شیلنگ کرتے ہوئے متعدد بے گناہ شہریوں کو بد ترین تشدد کرتے ہوئے گرفتار کر لیا جس کے بعد ہی صہیونی فوج اور فلسطینی باشندوں کے درمیان جھڑپیں شروع ہوگئیں تاہم آنسو گیس شیلنگ کے نتیجے میں کئی افراد کو سانس لینے میں گھٹن کے باعث شدید مشکلات کا سامنا کر نا پڑا ۔