قابض فوج کی فائرنگ سے گیارہ سالہ فلسطینی بچہ شہید

(روزنامہ قدس ـ آنلائن خبر رساں ادارہ) قابض اسرائیلی فوج نے مغربی کنارے میں فائرنگ کرکے گیارہ سالہ بچے محمد الحلاق کو شہید کردیا۔

فلسطینی وزارت صحت کے مطابق قاتلانہ صہیونی فوجیوں نے مغربی کنارے کے شہر الخلیل کے قصبے ار ریحیہ میں گیارہ سالہ بچے کو نشانہ بنایا۔وزارت کا کہنا ہے کہ واقعہ اس وقت پیش آیا جب علاقے میں غاصب فوج کی کارروائیاں جاری تھیں۔

حکام کا کہنا ہے کہ قابض فوج اور صہیونی سفاک و ظالم آبادکاروں کی بڑھتی ہوئی تشدد کی لہر نے مغربی کنارے کے فلسطینیوں کی زندگی مزید غیر محفوظ بنا دی ہے۔دوسری جانب غزہ کے سرکاری میڈیا آفس کے مطابق اسرائیل کی دو سالہ بمباری کے بعد خطے میں اب بھی تقریباً ستر ملین ٹن ملبہ اور کھنڈر موجود ہیں۔

الجزیرہ سے گفتگو کرتے ہوئے یونیسیف کے ترجمان کا کہنا ہے کہ قاتل ناجائز ریاست اسرائیل کو فوری طور پر غزہ کے بارڈر کراسنگز دوبارہ کھولنے چاہئیں تاکہ بچوں سمیت غذائی قلت کے شکار فلسطینیوں تک ہنگامی امداد پہنچ سکے۔