(روزنامہ قدس ۔آن لائن خبر رساں ادارہ) اسرائیلی انتہا پسند یہودی لیڈروں یہودا گلیک اور موشے ویگلن کی قیادت میں صہیونی آبادکار بیت المقدس کے مقامات کی کھلی بے حرمتی کر تے رہے ۔
ذرائع کے مطابق گزشتہ روز مقبوضہ بیت المقدس میں مسلحہ قابض فوج نے مسجد اقصی کے 1967 کے صہیونیوں کے زیر قبضہ مراکشی دروازے کے ذریعے داخل ہوکر مسجد کے مقدس مقامات کی بے حرمتی کی اور درجنوں صہیونی شر پسندوں نے یہودی لیڈروں یہودا گلیک اور موشے ویگلن کی قیادت میں مسجد میں موجود نمازیوں کو ذدوکوب کرتے ہوئے اشتعال انگیزی پھیلاکر مذہب کے نام پر فساد کو ہوا دیتے ہوئے جھڑپوں کا آغاز کیا ۔
ان جھڑپوں کے نتیجے میں غاضب فوج نے متعدد نہتے فلسطینی مسلمانوں کو تشدد کا نشانہ بناتے ہوئے گرفتار کر لیا تاہم صہیونی فوج یہودی آبادکاروں کے جرائم کو مکمل طور پر نظرانداز کر تے ہوئےانہیں شر پسندی کے مواقع فراہم کرتی رہی ۔
خیال رہے کہ مقبوضہ فلسطین میں صہیونی حکام کی جانب سے یہودی آباد کار وں کو فلسطینی باشندوں کے خلاف ہر قسم کی شر پسندی کی مکمل آزادی ہے جس کے باعث آئے دن وہ فلسطینیوں کے جانی اور مالی نقصانات کا سبب بنتے رہتے ہیں ۔