(روزنامہ قدس ۔آن لائن خبر رساں ادارہ) صہیونی فوج نےقصبوں میں گھس کےبھاری مقدار میں آنسو گیس کی شیلنگ کی، جینن کے فقووا قصبے میں پر تشدد جھڑپوں کے دوران فلسطینیوں کی گرفتاریاں ۔
ذرائع کے مطابق مقبوضہ فلسطین میں گزشتہ روز صہیونی فوج نےبشمول العیسویہ، جینن کےفقووا قصبے میں گھس کرگھروں کی تلاشی کے بہانےروائیتی توڑ پھوڑ کرتے ہوئے مقامی افراد کو تشدد کا نشانہ بناتے ہوئے انکی املاک کو نقصان پہنچایا تاہم صہیونی فوج کےتشدد کے خلاف احتجاج کرنے والے افراد کو گرفتار کرلیا گیا۔
دوسری جانب العیسویہ میں صہیونی فوج کی گرفتایوں کے خلاف احتجاج کے دوران فلسطینی نوجوانوں اور قابض فوج کے درمیان جھڑپیں ہوئیں۔
جھڑپوں میں صہیونی فوج کی جانب سے بھاری مقدار میں آنسو گیس کی شیلنگ اور ربڑ کی گولیوں کا استعمال کیا گیا جس کے ساتھ ہی متعددفلسطینی نوجوانوں کو اغوا کر کےنا معلوم مقام پر منتقل کردیا گیا ۔